काठमाडौं, देशमा पश्चिमी वायुको सामान्य प्रभाव रहेको मौसम पूर्वानुमान महाशाखाले जनाएको छ। साथै, भारतको उत्तर प्रदेशको तल्लो वायुमण्डलमा कमजोर निम्न चापीय प्रणाली सक्रिय रहेको उल्लेख गरिएको छ।
हाल कोशी, बागमती, र गण्डकी प्रदेशको पहाडी भूभागमा आंशिकदेखि सामान्य बदली रहेको छ भने अन्य स्थानमा मौसम मुख्यतया सफा छ।
आज दिउँसोको अवस्था
देशका पहाडी भूभागमा आंशिकदेखि सामान्य बदली रहनेछ। कोशी, बागमती, गण्डकी र कर्णाली प्रदेशका पहाडी क्षेत्रका केही स्थानमा हल्का वर्षा तथा उच्च पहाडी र हिमाली क्षेत्रका केही स्थानमा हल्का हिमपातको सम्भावना छ। अन्य भूभागमा भने मौसम मुख्यतया सफा रहने अनुमान गरिएको छ।
आज रातिको अवस्था
कोशी, गण्डकी, र कर्णाली प्रदेशका पहाडी भूभागमा आंशिकदेखि सामान्य बदली रहनेछ। बाँकी भूभागमा मौसम सफा रहनेछ।
महाशाखाले कोशी, बागमती, गण्डकी, र कर्णाली प्रदेशका पहाडी तथा हिमाली क्षेत्रका केही स्थानमा सम्भावित हल्का वर्षा र हिमपातका कारण कृषि, स्वास्थ्य, पर्यटन, पर्वतारोहण, सडक तथा हवाई यातायातमा आंशिक असर पर्न सक्ने बताएको छ। त्यसैले आवश्यक सतर्कता अपनाउन अनुरोध गरिएको छ।