काठमाडौं, अन्तर्राष्ट्रिय फौजदारी अदालत (आईसीसी)ले इजरायलका प्रधानमन्त्री बेन्जामिन नेतान्याहू, पूर्वरक्षामन्त्री योआभ ग्लान्ट र हमासका सैन्य कमान्डर महोम्मद दिएफविरुद्ध पक्राउ पूर्जी जारी गरेको छ।
आईसीसीले इजरायलको चुनौतीलाई खारेज गर्दै ती तीन प्रमुख व्यक्तिविरुद्ध कारबाहीको आदेश दिएको हो।
इजरायलले एक हवाई हमलामा हमासका सैन्य कमान्डर दिएफको मृत्यु भएको दाबी गरे तापनि, आईसीसीले उनको मृत्यु स्वीकार नगरेको र यसलाई झूटो ठानेको छ।
आईसीसीले इजरायल र हमासबीचको युद्धमा यी व्यक्तिहरूले मानवताविरुद्ध अपराध गरेको ठहर गर्दै, पक्राउ पूर्जी जारी गर्न गरेको हो। यसअघि, आईसीसीका अभियोजक करिम खानले यी व्यक्तिविरुद्ध कारबाहीको आग्रह गरेका थिए।