काठमाडौँ, सरकारले मंसिर १६ गते स्थानीय तहको उपनिर्वाचन गर्ने निर्णय गरेको छ।
आइतबार बसेको मन्त्रिपरिषद् बैठकले उपनिर्वाचनको मिति तय गरेको हो।
यसअघि, प्रमुख निर्वाचन आयुक्त दिनेशकुमार थपलियासहितका पदाधिकारीहरूले प्रधानमन्त्री केपी शर्मा ओलीलाई भेटेर सो मितिमा निर्वाचन गराउन सुझाव दिएका थिए।
यस उपनिर्वाचनमा हाल रिक्त रहेका जिल्ला समन्वय समितिका दुई प्रमुखसहित ४१ जनप्रतिनिधिको बाँकी कार्यकालका लागि निर्वाचन हुनेछ।