कश्मीर, जम्मू कश्मीरमा नयाँ सरकार गठनको तयारीको क्रममा राष्ट्रपति शासन अन्त्य भएको छ। राष्ट्रपति द्रौपदी मुर्मुले आइतबार राति नयाँ मुख्यमन्त्रीको शपथ लिनुअघि नै राष्ट्रपति शासन हटाउने आदेश जारी गरेको गृह मन्त्रालयले जनाएको छ। जम्मू कश्मीरमा अन्तिम विधानसभा चुनाव २०१४ मा सम्पन्न भएको थियो, जहाँ बीजेपी र पीडीपीको गठबन्धन सरकार बनेको थियो।
२०१८ मा बीजेपीले समर्थन फिर्ता लिएपछि महबूबा मुफ्तीको नेतृत्वको सरकार ढल्यो, जसपछि राज्यमा राष्ट्रपति शासन लागू भएको थियो। अब, नेशनल कन्फ्रेन्सका उपाध्यक्ष ओमर अब्दुल्लाले नयाँ मुख्यमन्त्रीको रुपमा शपथ लिन सक्ने सम्भावना रहेको छ। विधानसभा चुनावमा नेशनल कन्फ्रेन्सले ४२ सिट जितेको थियो, कांग्रेसले ६ सिट र माकपाले एक सिट जितेको थियो।
नेशनल कन्फ्रेन्सका प्रमुख फारुक अब्दुल्लाले आफ्नो छोरालाई मुख्यमन्त्रीको रुपमा अघि बढाउने निर्णय गरेका थिए। अक्टोबर १० गते बसेको पार्टी बैठकले ओमर अब्दुल्लालाई व्यवस्थापिका–संसदको नेता चयन गरेको थियो, जसपछि उनले श्रीनगरस्थित राजभवनमा एलजी मनोज सिन्हासँग भेट गरी सरकार गठनको दाबी गरेका थिए।