काठमाडौँ, नेपाल आज सोमबार क्यानडाविरुद्ध खेल्दै आईसीसी विश्वकप लिग-२ मा ७ महिनापछि पुनः फर्किरहेको छ। लिग-२ को शुरुवात फेब्रुअरीमा त्रिवि क्रिकेट मैदानमा भएको थियो, जसमा नेपाल, नामिबिया, र नेदरल्यान्ड्सले प्रतिस्पर्धा गरेका थिए।
नेपालले नामिबियासँग दुबै खेलमा हार र नेदरल्यान्ड्सविरुद्ध १–१ जित र हारको सामना गरेको थियो। त्यसपछि, नेपाल टी-२० विश्वकपमा व्यस्त रह्यो र अब बंगलादेशविरुद्ध खेलपछि अन्तर्राष्ट्रिय क्रिकेटमा फर्किनेछ।
नेपाल, नामिबिया, नेदरल्यान्ड्स, स्कटल्यान्ड, ओमान, युएई, क्यानडा, र अमेरिकाबीच २०२६ डिसेम्बरसम्म लिग-२ का खेल हुनेछन्। प्रत्येक टोलीले ३६ खेल खेल्नेछन्, जसमा तीन टोली मिलेर त्रिकोणात्मक सिरिज खेल्नेछन्।
शीर्ष चार टोलीले २०२७ को एकदिवसीय विश्वकप छनोट खेल्न पाउनेछन्। नेपालले लिग-२ मा शीर्ष स्थानमा पुग्न र एसोसिएट नम्बर एक बन्ने लक्ष्य राखेको छ।
नेपालले भारत र श्रीलंकामा अभ्यास गरेपछि क्यानडा पुगेको छ। नेपालले क्यानडासँग गत फेब्रुअरीमा तीन ओडीआई खेल जितेको थियो।
नेपालको आगामी खेल तालिका:
- ३१ भदौ (१६ सेप्टेम्बर) – क्यानडाविरुद्ध
- २ असोज (१८ सेप्टेम्बर) – ओमानविरुद्ध
- ६ असोज (२२ सेप्टेम्बर) – क्यानडाविरुद्ध
- ८ असोज (२४ सेप्टेम्बर) – ओमानविरुद्ध
सभी खेल नेपाली समय अनुसार साँझ ७:४५ मा किंग्स सिटीको मप्ले लेआफ नर्थ वेस्ट क्रिकेट ग्राउण्डमा हुनेछन्।