काठमाडौँ, फ्रान्सका राष्ट्रपति इमानुएल म्याक्रोनले मिसेल बार्नियरलाई नयाँ प्रधानमन्त्रीमा नियुक्त गरेका छन्।
७३ वर्षीय बार्नियर युरोपियन युनियनका पूर्व ब्रेक्जिट वार्ताकार हुन्, जसले २०१६ र २०१९ बीच बेलायतसँगको ब्रेक्जिट वार्तामा प्रमुख भूमिका खेलेका थिए।
बार्नियर दक्षिणपन्थी रिपब्लिकन पार्टीका एक वरिष्ठ नेता हुन् र उनले फ्रान्स र युरोपेली संघमा विभिन्न उच्च पद सम्हालिसकेका छन्। अब उनी राष्ट्रिय सभामा स्थिर सरकार बनाउन चुनौती सामना गर्नेछन्।
फ्रान्सको हालको राजनीतिक परिदृश्यमा कुनै पनि दलले स्पष्ट बहुमत हासिल गर्न नसकेपछि राष्ट्रपति म्याक्रोनले बार्नियरलाई प्रधानमन्त्रीको जिम्मेवारी दिएका छन्। हालै सम्पन्न निर्वाचनमा वामपन्थी न्यु पपुलर फ्रन्टले सबैभन्दा बढी सिट जितेको छ, त्यसपछि एन्सेबल गठबन्धन र दक्षिणपन्थी नेसनल र्याली रहेका छन्।