काठमाडौँ, भारतीय राजदूत नवीन श्रीवास्तवले दार्चुलामा महाकाली नदीमा निर्माण भइरहेको नेपाल–भारत जोड्ने मोटरेवल पुलको अनुगमन गरेका छन्।
पुल नेपालतर्फ महाकाली नगरपालिका–८ असिगडा र भारततर्फ छारछुम जोड्दैछ। राजदूतले पुलले दुई देशबीचको व्यापार, पर्यटन, र सांस्कृतिक सम्बन्धलाई प्रगाढ बनाउने बताएका छन्। साथै, उनले निर्माण कार्य आगामी कात्तिक महिनाभित्र सक्न निर्देशन दिएका छन्।
११० मिटर लामो पुलको लागत ३२ करोड ९८ लाख भारतीय रुपैयाँ रहेको छ र निर्माण अन्तिम चरणमा पुगेको छ। यो पुल दार्चुलामा भारतसँग जोड्न पहिलो मोटरेवल पुल हो।