काठमाडौं, दशैंको समयमा परिवारबाट टाढा रहनु पर्ने बाध्यता चित्त बुझाउन गाह्रो हुँदैछ। सर्लाहीका अजय मेहताले भने, “एक दिन मात्रै भए पनि बिदा थपिदिनुस्, मलेसियाबाट कम्पनी साहुले बिदा थप्न मिल्दैन भनेको छ, मेरा लागि अहिले दशैं र परिवारभन्दा जागिर प्यारो भयो।” दशैंको अघिल्लो दिन घर छोड्न बाध्य भएका मेहताका लागि यो अवस्था निकै कठिन भयो।
त्रिभुवन अन्तर्राष्ट्रिय विमानस्थलमा शुक्रवार साँझ भेटिएका मेहताले गर्भवती श्रीमती र आमासँगको बिदाइको क्षण सम्झँदै आँसु रोक्न सक्नुभएन। सिराहाका घनश्याम यादवले पनि दशैंको टीका र आशीर्वाद बिना हवाईजहाज चढ्न पाउनु पर्छ भन्ने दुःख व्यक्त गरे।
यादवको कम्पनीले दुई महिनाको छुट्टी दिएको भए पनि दशैंको लागि एक दिन पनि छुट्टाउन सकिएन। धनुषाका विनयकुमार यादव, चितवनका अरुण रम्तेल, र लुम्बिनीका ओमप्रकाश चौबे पनि वैदेशिक रोजगारीका लागि देश छोड्न बाध्य भएका छन्।
नेपालगञ्जकी २४ वर्षीया रेखा खत्रीको पनि जापान जाने टिकट दशैंको अघिल्लो दिन नै परे। उनले भने, “प्लस टु सकेर चार वर्ष कृषि विषय पढेँ तर केही पनि काम पाइनँ। अहिले डेढ वर्ष जापानिज भाषा पढेर जापान हिँडेकी छु।”
काठमाडौं तारकेश्वरका इन्द्र रानामगरले भने, “परिवारका सबै सदस्यसँग बसेर दशैंको टीका लगाउन मन थियो, तर टिकट मिलेन।”
महानवमीको दिन गाउँ तथा शहरमा दशैं मनाइरहँदा, हजारौंको सपना पैसा कमाउने र परिवारलाई सहयोग गर्नेमा छ। विमानस्थलमा आँसु रोकेका ती मानिसहरूको दृश्यमात्रै होइन, यस पृष्ठभूमिमा भएको कठिनाईको कथा पनि सुनिन्छ । (राससबाट)