काठमाडौँ, बझाङको रायाल आसपास केन्द्रविन्दु बनाएर आज बिहान ११:०२ बजे ३.९ रेक्टरस्केलको भूकम्प गएको छ। यो जानकारी राष्ट्रिय भूकम्प मापन तथा अनुसन्धान केन्द्र, लैनचौरले दिएको हो।
यसअघि मङ्सिर ६ गते कास्की र मनाङको सीमामा पर्ने अन्नपूर्ण क्षेत्रमा ४.२ रेक्टरस्केलको भूकम्प गएको थियो।
नेपालमा पछिल्लो समय भूकम्प आउने क्रम जारी रहेको छ। हिमालय क्षेत्र भएकाले नेपाललाई भूकम्पको उच्च जोखिमयुक्त क्षेत्रका रूपमा लिने गरिन्छ।