धनगढी, धनगढीबाट बिहीबार छुटेको शैलेश्वरी यातायातको ना ५ ख ४४५१ नम्बरको यात्रुबाहक बस शुक्रबार बिहान करिब ४ बजे दिपायल सिलगढी नगरपालिका–४ मा रेडियो नेपालको प्रशारण केन्द्र नजिक दुर्घटनामा परेको छ।
प्रहरीका अनुसार दुर्घटनामा १६ जना घाइते भएका छन्, जसमा एक जनाको अवस्था गम्भीर छ। सबै घाइतेलाई उद्धार गरी उपचारका लागि सुजङ अस्पतालमा पठाइएको छ।
बस सडकबाट करिब एक सय मिटर तल खसेको छ, र दुर्घटनाको कारण हालसम्म खुलाइएको छैन।