काठमाडौँ, उपत्यकामा लगातारको वर्षासँगै विभिन्न स्थानहरू डुबानमा परेका छन्।
काठमाडौँ महानगरपालिका वडा नम्बर १४, बल्खु (टेकु दोभानदेखि बल्खु तरकारी बजारसम्म) मा बागमती नदीको पानीको सतह बढ्नाले कुलेश्वर फलफूल बजार क्षेत्र र सुकुम्बासी बस्तीमा पानी प्रवेश गरेको छ।
स्थानीयहरूको अनुसार, बल्खु तरकारी बजारको उत्तरी भागमा पानी पस्न थालिसकेको छ भने दक्षिणी भागमा पानी फैलिएको छ।
त्यस्तै, काठमाडौँ–१६, माछापोखरी क्षेत्रमा मेलम्ची खानेपानी आयोजनाको पाइपलाइन फुटेर घर र पसलहरू डुबानमा परेको छ।