काठमाडौं, अमेरिकाका नवनिर्वाचित राष्ट्रपति डोनाल्ड ट्रम्पविरुद्ध गलत समाचार प्रसारण गरेको भन्दै एबीसी टिभी च्यानलले १५ करोड अमेरिकी डलर क्षतिपूर्ति तिर्नुपर्ने भएको छ।
एबीसीका स्टार प्रस्तोता जर्ज स्टेफानोपोलोसले १० मार्चको एक कार्यक्रममा ट्रम्पले एक महिलामाथि बलात्कार गरेको आरोप लगाएका थिए। उक्त अभिव्यक्तिपछि ट्रम्प पक्षले मानहानीको मुद्दा दायर गरेको थियो।
शनिबार भएको सम्झौतापछि एबीसीले ट्रम्पलाई १५ करोड डलर क्षतिपूर्ति तिर्न सहमति जनाएको छ। साथै, च्यानलले स्टेफानोपोलोसको अभिव्यक्तिप्रति खेद प्रकट गर्दै खण्डन प्रकाशन गर्ने र ट्रम्प पक्षको कानुनी खर्च बापत १ करोड डलर थप तिर्ने घोषणा गरेको छ।