मकवानपुर, मकवानपुरको मनहरी गाउँपालिका-६ प्रतापुरस्थित बलबहादुर राईको गोठमा रहेको भैँसीले आफूलाई आक्रमण गर्न आएको बाघलाई मारेको छ।
गोठमा राखिएको भैँसी घाइते भएको छ भने बाघ गोठमै मरेको छ। जस्ताको छानो भएको गोठमा बाघले भैँसीलाई आक्रमण गर्दा भैँसी घाइते भएको थियो, र भैँसीको प्रतिकारबाट बाघ मरेको बताइएको छ।
इलाका प्रहरी कार्यालय मनहरी र पर्सा राष्ट्रिय निकुञ्जको टोलीले घटनास्थलको अन्वेषणपछि बाघ वृद्ध भएको र भैँसीले प्रतिकार गर्दा मृत्यु भएको निष्कर्ष निकालेको छ।
बिहीबार बिहान चितवन राष्ट्रिय निकुञ्ज अन्तर्गतको सेक्टर सौराहा ब्यारेकबाट आएको सेनाको टोलीले बाघको शव लिई गएको छ।
खतरनाक भैसि रहेछ ।