काठमाडौँ, नेपाल धितोपत्र बोर्डका अध्यक्ष सन्तोषनारायण श्रेष्ठले पुँजीबजारमा देखिएका अवाञ्छित गतिविधिलाई नियमन र नियन्त्रण गर्ने प्रतिबद्धता जनाएका छन्। बुधबार सञ्चारकर्मीसँगको कुराकानीमा उनले पछिल्लो समय पुँजीबजारमा यस्ता गतिविधि बढेको गुनासो आएको र बोर्डले त्यसलाई नियन्त्रण गर्ने योजना बनाएको बताए।
श्रेष्ठले पुँजीबजारको सुधारको आवश्यकता औंल्याउँदै, यस क्षेत्रमा ७० लाख लगानीकर्ता संलग्न रहेको जानकारी दिए। पुँजीबजारलाई थप व्यवस्थित बनाउन आफूहरू प्रतिबद्ध रहेको उनले बताए।
बजारको सुधारका लागि अटोमेसन प्रणालीमा जाने योजना रहेको भन्दै, श्रेष्ठले बोर्डको संस्थागत सुदृढीकरणको आवश्यकता पनि जोड दिए। उनले बजारको निरीक्षण र अवाञ्छित गतिविधि नियन्त्रणमा अटोमेसन अनिवार्य भएको बताए।
श्रेष्ठले आईपीओ प्रक्रियामा पनि सुधार गर्दै, निकट भविष्यमै आईपीओ जारी गरिने जानकारी दिए। विभिन्न कारणले ढिलाइ भएको भए पनि अब प्रक्रिया अघि बढ्ने र ओभर सप्लाईको असरलाई न्यून गर्न बोर्ड सचेत रहेको उनले बताए।