काठमाडौं, मोहन वैद्य नेतृत्वको क्रान्तिकारी कम्युनिस्ट पार्टी नेपालले सत्तारूढ एमाले, माओवादी केन्द्र, र एकीकृत समाजवादीलाई दक्षिणपन्थी संशोधनवादी र यथास्थितिवादी पार्टीको रूपमा चित्रित गरेको छ। वैद्यले यी दलहरुलाई नामका कम्युनिस्ट पार्टीको रूपमा देखिए पनि वास्तविकतामा उनीहरूलाई दक्षिणपन्थी आरोपित गरेका छन्।
‘एमाले, माके, एस यी सबैले आफूलाई कम्युनिस्ट पार्टी, माक्र्सवाद लेनिनवाद र समाजवादको पक्षधर बताए पनि, सारमा यी दक्षिणपन्थी हुन्,’ वैद्यले प्रतिवेदनमा लेखेका छन्।
उनले सत्तारूढ नेपाली कांग्रेसलाई ‘दलाल नोकरशाही, पूंजीपति, सामन्त वर्गको प्रतिनिधित्व गर्ने’ पार्टीको रूपमा आलोचना गर्दै, यसको विचारधारात्मक र राजनीतिक दृष्टिकोण बहुलवाद, प्रजातान्त्रिक समाजवाद र संसदीय लोकतन्त्रमा आधारित रहेको बताएका छन्।
यसैगरी, वैद्यले नेकपा मसाल, नेमकिपा, माले र विप्लव समूहलाई पनि दक्षिणपन्थी पार्टीको रूपमा परिभाषित गरेका छन्। ‘यी दलहरूले निम्नपुजीपति वर्गको दक्षिणपन्थी हिस्साको प्रतिनिधित्व गर्छन्,’ उनले महाधिवेशनको दस्तावेजमा उल्लेख गरेका छन्।