काठमाडौं, पाकिस्तानको बलुचिस्तानमा पछिल्लो २४ घण्टामा कम्तीमा २३ जनाको हत्या भएको छ। पञ्जाब र बलुचिस्तानलाई जोड्ने राजमार्ग मुसाखेल जिल्लाको रारशाम इलाकामा बन्धुकधारीले बस, भ्यान र ट्रकमा रहेका मानिसहरुलाई ओरालेका थिए। अधिकारीहरुले भनेका छन् कि बन्धुकधारीको संख्या करिब ३० देखि ४० जनासम्म थियो र उनीहरुले २२ वटा गाडी रोकेर पञ्जाबबाट आएका मानिसहरुलाई गोली हानेका थिए।
यो समूहले २३ सवारी साधानमा आगजनी गरेका छन्। घटनास्थलमा प्रहरी टोली पुगेको छ र हत्या गरिएका शवलाई संकलन गरेर अस्पतालमा ल्याइँदैछ।
पछिल्लो २४ घण्टामा, प्रहरीले चौकी, सुरक्षा बलको शिविर, र सरकारी कार्यालयहरूमा समेत आक्रमण भएको जनाएको छ। मुसाखेल जिल्लामा भएको आक्रमणको जिम्मा बलुच लिबरेसन आर्मी (बीएलए) ले लिएको छ।